من فيلم آثار في الرمال
إبراهيم: شايفة كل دول؟ أنا قريت نصهم في الفترة اللي قضيتها هنا.
راجية: وإزاي بتقدر تلاقي الوقت؟
إبراهيم: أنا عندي غير التلحين والقراية؟ القراية تخلي الواحد بني آدم.
راجية: عندك حق، أنا كمان عندي مكتبة كويسة أوي..

من فيلم موعد مع السعادة
ممدوح: فهمت أن الإنسان اللي يعيش لنفسه، يعيش لوحده.. وان اللي يعيش لوحده، عمره ما يعرف معنى السعادة.

من فيلم الرباط المقدس
سميحة: يعز عليَّ إني أكون أشجع منك.. أنا موافقة أنك تخاف، على شرط، أنك تستفيد م الخوف.. تكتب مثلًا عن لذة المغامرة.
محسن: هاها.. ابتدينا نتفلسف.
سميحة: هاها.. مش فلسفة.. أنا عارفة إني في نظرك بنت تافهة..خليني صديقتك وادرسني.. ممكن أوي تكتب قصة عظيمة عن حياة امرأة تافهة.

من فيلم لا أنام
نادية: ساعات، باحس أنك بعيد عني، بعيد أوي..
مصطفى: أحسن، عشان أوحشك أكتر.

من فيلم زوجة لخمسة رجال
السمنودي: من فضلك، مراتي اتسرقت، أبلَّغ مين؟
عسكري 2: سابع باب ع الشمال.
السمنودي: متشكر.
عسكري 2: يا بختك.

من فيلم آثار في الرمال
راجية: رسمت صورتك.
إبراهيم: صحيح؟
راجية: أيوة.
إبراهيم: ورسمتيني من الذاكرة؟
راجية: طبعًا م الذاكرة، ماتعرفش أنك مُقيم فيها؟